Trajnim paketa Office

Paketa MS Office; veçanërisht Excel dhe Word, janë pjesë e pandarë e çdo profesioni dhe në thelb e punës së çdo individi që do të duhet të përdorë qoftë edhe pjesërisht një njësi kompjuterike. Edhe pse, zhvillimet në fushën e teknologjisë janë shoqëruar me alternativa pjesore dhe të plota të këtyre platformave, përsëri në thelb funksioni e roli i tyre është i padiskutushëm ?

Po sa Ju jeni në gjendje të shfrytëzoni avantazhet që sjellin këto aplikacione ? A jeni përdorues i plotë i kapaciteteve që sjellin këto mjete apo thjesht përdorues rastësor që përdorni Word apo Excel vetëm për të përgatitur një shkresë të thjeshtë ose një raport të thjeshtë ?

Sa herë mund t’ju ketë ndodhur që të konsumoni kohë pa fund për të kryer procese pune që mund të kryheshin në gjysmën, 25 % apo 1 % të kohës që ju keni harxhuar ? A ju ka ndodhur që të jeni pjesë e një interviste dhe t’ju kenë pyetur për koncepte të tilla si: Macro, VLOOKUP, Pivot Table, Visual Basic dhe shumë koncepte të reja ? A keni menduar në atë moment që njohuritë tuaja të paketës Office janë minimaliste ?

Ne ju japim mundësinë e krijimit të hapësirave të pafundme, për të kuptuar kapacitetin e munguar në punën tuaj. Me disa teknika të thjeshta por me punë inteligjente do të kuptoni që në fakt, kjo fushë është tërësisht e pazbuluar për ju.

Pjesa më e rëndësishme ? Ne do të ndajmë me ju aplikime në praktikë, kryesisht të çështjeve financiare por jo vetëm; të zbatimit të mjeteve të paketës Office. Do të kuptojmë së bashku që një formulë e thjeshtë; SUMIF mund të bëjë dallimin e një profesionisti që shfrytëzon kohën e tij për ti dhënë kuptim shumave të raporteve me të dhëna të gatshme dhe jo për të hartuar raport me njohuri elementare apo mesatare të paketës Office.

Do të kuptoni që mënyra më e mirë e mësimit të teknikave e avancimit të pafundëm drejt këtyre platformave është zgjidhja e situatave, duke përdorur disa teknika të thjeshta por që “ju nxjerrin nga situata” dhe kursejnë kohën tuaj. Imagjinoni që duhet të krahasoni të dhënat e dy pasqyrave nga burime të ndryshme, dhe të dhëna janë 100, 1000, 10 000 apo në shumë rreshta. Një formë mund të jetë mënyra klasike e konsumit të pakuptimtë të kohës duke printuar dy listat dhe verifikuar manualisht nëse ato përputhen. Profesionalisht kjo mund të duket zgjidhje optimale dhe kënaqësinë të prekurit të çështjeve manuale, por nëse ky proces duhet të përsëritet çdo ditë ?

Mendoni që keni njohuri të mjaftueshme të platformave të tjera të paketës Office, si Word, Outlook apo zgjidhje të tjera ? Do të kuptoni që kapaciteti juaj mund të rritet ndjeshëm dhe jepni mundësinë vetes për të kaluar në nivelin tjetër.

Ku kurs është projektuar për ti ardhur në ndihmë çdo individi që duhet dhe mund të përdorë zgjidhjet e paketës Office. Temat e kursit do të jenë:

1. Excel
2. Word
3. Outlook
4. PowerPoint
5. OneNote
6. Publisher
7. Acces

Kursi do të zbatohet në 7 seanca dhe çdo seancë do të zgjasë 2 orë.

Për kë është ky kurs:

1. Për çdo individ që përdor paketën Office.
2. Për Ekonomistët.
3. Për Menaxherët.
4. Për studentët dhe të sapodiplomuarit
5. Për të apasionuarit ndaj teknologjisë.
6. Për ata që duan të zgjerojnë njohuritë e tyre.

Kurrikula për këtë lëndë:

1. MS Office
2. Excel
3. Word
4. Outlook
5. Publisher
6. Acces
8. PowerPoint